Бүгү чуртталгамда көдээге ажылдап база чурттап келген мен. 30 чылдан эвээш эвес к=дээ ажыл-агый стажтыг пенсионерлерниё пенсиязынга келир чылдан эгелеп немелде боор деп дыңнаан мен. Ол шын бе?
Монгуш А., Чөөн-Хемчик кожуун
Россияның Пенсия фондузунуң Тыва Республикада Салбырының даргазының оралакчызы Урана Монгуштуң харыызы:
Көдээ черде чурттап турар болгаш көдэ ажыл-агый стажы 30 чылдан эвээш эвес база ажылдавайн турар пенсионерлерниң кыраанының болгаш инвалид болганының камгалалдыг пенсиязының доктаадып каан төлевирин 2019 чылдың январьның 1-ден 25% улгаттырар. «Камгалалдыг пенсиялар дугайында» деп Федералдыг хоойлунуң ук нормазын 2020 чылдың январьның 1-ден күш киирер турган, ынчалза-даа №350 - ФЗ «Россия Федерациязының пенсия тыпсыр болгаш төлээр чамдык хоойлуларынче өскерилгелер киирер дугайында» федералдыг хоойлуну хүлээп алганы-биле ооң боттандырыышкынын 2019 чылче чылдырган.
Ооң түңнелинде 30 чыл стажтыг көдээниң пенсионерлеринге 2019 чылдың январь 1-ден доктаадып каан төлевирниң ниити хемчээлин - 5334 рубль 19 копеекти 25% улгаттырар, пенсия 1333 рубль 55 копеекке өзер.
Билип алыры чугула! 30 чыл көдээ стажче кайы-даа ажыл эвес, а чүгле чогуур адырларга ажылдап турган үелер кирер – ол болза үнүш тарылгазы база мал ажыл-агыйы. РФ-тың Чазааның 2018 чылдың ноябрьның 29-тан №1440 доктаалында кыраанының болгаш инвалид болганының камгалалдыг пенсиязының доктаадып каан төлевирин улуг хемчээлге алыр албан-дужаалдарның болгаш организацияларның даңзызын айыткан. Россияның Пенсия фондузунуң Тыва Республикада салбырының болгаш ооң девискээр органнарының баш удур чоруткан ажылыныё түңнелинде ук немелдени суурларда чурттап болгаш ажылдавайн турар бир муң ажыг пенсионер алыр эргелиг.
Чугула чүүл! Көдээниң пенсионерлери чурттаар черин солуп, суурдан дашкаар көжүп чоруптар таварылгада, оларның кыраанының камгалалдыг пенсиязының доктаадып каан төлевириниң хемчээлин 25% улгаттырыышкын чокка эде көөр.
Кыраанының болгаш инвалид болганының камгалалдыг пенсияның доктаадып каан төлевирниң хемчээлин пенсионер кижиниң херээнде медээлерге даянып 2019 чылдыё январьның 1-ден эде санаар. Билдириишкин киирбес! Ол эде санаашкынны 2019 чылдың сентябрь 1-ден орайтатпайн чорудар. Ооң-биле чергелештир эде санаашкынга немей документилерни пенсионер кайы-даа үеде киирип болур. Бир эвес пенсия алыкчызы эде санаашкынны чорудары-биле 2019 чылдың январьның 1-ден декабрь 31-ге чедир документилер экеп, билдириишкин киирер болза, ол эде санаашкынны 2019 чылдыё январь 1-ден чорудар.
Сонуургаан айтырыгларны Россияныё Пенсия фондузунуё Тыва Республикада Салбырының 8(39422) 9-60-60, 9-61-41, 9-61-42 дугаарлыг «изиг» шугум таварыштыр салып болур.